لە کەرکووک سێ کەسی دیکە بەهۆی پەتای کۆرۆناوە گیانیان لەدەست دا

گوتەبێژی فەرمانگەی تەندروستیی كەركووك ڕای گەیاند سێ کەسی دیکە لە کەرکووک بەهۆی پەتای کۆرۆناوە گیانیان لەدەست داوە و هاوکات 128 كەسی دیکەش تووشی پەتاکە بوون. سامان یابە، گوتەبێژی فەرمانگەی تەندروستیی كەركووك، بە (باسنیوز)ی ڕاگەیاند: “دوێنێ سێشەممە 4/8/2020 سێ كەسی دیكە بەهۆی پەتای کۆرۆناوە گیانیان لە دەست داوە، هەروەها 128 كەسیش تووشی كۆرۆنا بوون و 64 كەسی دیكە لەو پەتایە چاك بوونەتەوە”. گوتیشی: “لە كەركووك تا ئێستا پێنج هەزار و 47 كەس تووشی كۆرۆنا بوون كە هەزار و 409 كەسیان لە نەخۆشخانەكانن و سێ هەزار و 380 كەسی دیكەیان چاك بوونەتەوە، هەروەها 258 كەسیشیان گیانیان لەدەست داوە”.