داعش هێرشی کردە سەر هێزە عێراقییەکان لە سەڵاحەدین

چەکدارانی رێکخراوی تیرۆریستی داعش هێرشیان کردە سەر هێزە عێراقییەکان لە سنووری پارێزگای سەڵاحەدین. بەپێی هەواڵی میدیا عێراقییەکان، چەکدارانی داعش ئێوارەی رۆژی چوارشەممە 5-8-2020، هێرشیان کردووەتە سەر بارەگای لیوای مەغاویر لە گوندی متێبیجە لە پارێزگای سەڵاحەدین، کە کەوتووەتە باکووری بەغدا. ئەمڕۆ پێنجشەممە 6-8-2020، (سۆمەرییە نیوز) لە زاری سەرچاوەیەکی ئەمنی بڵاوی کردووەتەوە، کە بەهۆی هێرشەکەی داعشەوە، دوو سەرباز کوژراون و سێ سەربازی دیکەش بریندار بوون.