ژ پێخه‌مه‌ت پاراستنا گیانێ خه‌لك و شۆفێران ژ مه‌ترسیا په‌تایا كۆرۆنایێ، رێڤه‌به‌ریا هاتن و چوونا پارێزگه‌ها دهۆكێ هژماره‌ك ژ زالگه‌هێن گه‌رۆك ل سه‌رانسه‌رى پارێزگه‌هێ دانانه. مقه‌دم ئازاد تاها په‌یڤدارێ هاتن و چوونا پارێزگه‌ها دهۆكێ بۆ (باسنیوز) دبێژیت:” ئه‌ڤ چه‌ندا ئه‌م ئه‌نجام دده‌ین بتنێ مه‌ره‌ما مه هشیاركرنا خه‌لك و شۆفێران بوویه و پاراستنا وان ژ په‌تایا كۆرۆنایێ بوویه، له‌روا رێڤه‌به‌ریا هاتن و چوونا دهۆكێ رابوویه ب دانانا چه‌ندین زالگه‌هێن گه‌رۆك ل سه‌رانسه‌رى پارێزگه‌هێ ژ پێخه‌مه‌ت وێ چه‌ندێ پابه‌ندى رێنمایێن حكۆمه‌تا هه‌رێما كوردستانێ ببن”. په‌یڤدارێ هاتن و چوونا پارێزگه‌ها دهۆكێ بۆ (باسنیوز) دیار ژى كر:” ل سه‌رانسه‌رى پارێزگه‌هێ ل هه‌مى قه‌زا و ناحیا و دگه‌ل سه‌نته‌رێ باژێرێ دهۆكێ مه زالگه‌هێن گه‌رۆك دانانه كۆ هژمارا وان (10) زالگه‌ه بوونه و ئه‌ڤ زالگه‌هه شۆفێران و خه‌لكى هاندده‌ن بۆ بكار ئینانا ماسك و ده‌ستگۆركان” و گۆتژى:” هیڤیا مه ئه‌و چه‌نده یه شۆفێر هاریكار و پشته‌ڤان بن و پێگیر بن ب رێنمایێن حكۆمه‌تا هه‌رێما كوردستانێ تا كۆ گیانێ وان ژ مه‌ترسیا په‌تایا كۆرۆنایێ یێ دیر و پاراستى بیت”.
ل دهۆكێ زالگه‌هێن گه‌رۆك هاتن دانان
