لە كەركووك چوار تووشبووی دیكەی كۆرۆنا گیانیان لەدەست دا

گوتەبێژی فەرمانگەی تەندروستیی كەركووك ڕایگەیاند، چوار تووشبووی دیكەی پەتای كۆرۆنا لە كەركووك گیانیان لەدەست دا. سامان یابە، گوتەبێژی فەرمانگەی تەندروستیی كەركووك، بە (باسنیوز)ی ڕاگەیاند: “ڕۆژی شەممە 8/8/2020، لە كەركووك 293 كەسی دیكە تووشی كۆرۆنا بوون و 64 كەسی دیكەش لەو پەتایە چاك بوونەوە و هەروەها چوار كەسی دیكەش بەهۆی هەمان پەتاوە گیانیان لەدەست دا”. گوتەبێژەكەی فەرمانگەی تەندروستیی كەركووك، ڕاشیگەیاند، لە كەركووك تا ئێستا پێنج هەزار و 704 كەس تووشی كۆرۆنا بوونە كە هەزار و 813 كەسیان لە نەخۆشخانەكانن و سێ هەزار و 607 كەسیان چاك بونەتەوە و هەروەها 284 كەسیشیان گیانیان لەدەست داوە.