لە كەركووك نۆ تووشبووی دیكەی كۆرۆنا گیانیان لەدەست دا

گوتەبێژی فەرمانگەی تەندروستیی كەركووك ڕایگەیاند، نۆ تووشبووی دیكەی كۆرۆنا لە كەركووك گیانیان لەدەست دا. سامان یابە، گوتەبێژی فەرمانگەی تەندروستیی كەركووك، بە (باسنیوز)ی ڕاگەیاند: “ئەمڕۆ سێشەممە 11/8/2020، لە كەركووك 222 كەسی دیكە تووشی كۆرۆنا بوون و 63 كەسی دیكە لەو پەتایە چاك بوونەوە و هەروەها هەشت كەسی دیكەش بەهۆی هەمان پەتاوە،گیانیان لەدەست دا”. ڕاشیگەیاند، لە كەركووك تا ئێستا شەش هەزار و 237 كەس تووشی كۆرۆنا بوونە كە دوو هەزار و 171 كەسیان لە نەخۆشخانەكانن و سێ هەزار و 763 كەسیان چاك بونەتەوە و هەروەها 303 كەسیشیان گیانیان لەدەست داوە.