بەهۆی بەرزبوونەوەی ژمارەی تووشبوانی ڤایرۆسی كۆرۆنا، نزیكەی دوو هەفتەیە شوێنە گەشتیارییەكانی دەڤەری سۆران بەڕووی گەشتیاراندا داخراون. لەمبارەوە بارزان محەمەد، بەڕێوەبەری گەشتوگوزاری سۆران بە (باسنیوز)ی راگەیاند: “بەهۆی بەرزبوونەوەی ژمارەی تووشبوانی ڤایرۆسی كۆرۆنا، لەپێناو كەمكردنەوەی قەرەباڵغی لە شوێنە گشتییەكان، نزیكەی دوو هەفتەیە سەیرانگە و شوێنە گەشتیارییەكانی سنوورەكەمان بەڕووی هاووڵاتیان و گەشتیاراندا داخراون و هەر خاوەن سەیرانگەیەك پەباندی ئەو بڕیارە نەبێت، ڕووبەڕووی سزا دەبێتەوە”. بەڕێوەبەری گەشتوگوزاری سۆران، ئەوەشی ئاشكرا كرد: “هیچ وادەیەك بۆ كردنەوەی سەیرانگەو شوێنە گەشتیارییەكانی سنوورەكەمان دیاری نەكراوە و بۆ كردنەوەی ئەم شوێنانە، چاوەڕوانی ڕەزامەندیی سەرووی خۆمانین”.
گەشتوگوزاری سۆران: هیچ وادەیەك بۆ كردنەوەی شوێنە گەشتیارییەكانی سنوورەکە دیاری نەكراوە
