لە كەركووك 148 كەسی دیكە تووشی كۆرۆنا بوون

گوتەبێژی فەرمانگەی تەندروستیی كەركووك ڕایگەیاند، لە كەركووك 148 كەسی دیكە تووشی كۆرۆنا بوون. سامان یابە، گوتەبێژی فەرمانگەی تەندروستیی كەركووك، بە (باسنیوز)ی ڕاگەیاند: “ئەمڕۆ چوارشەممە 19/8/2020، لە كەركووك 148 كەسی دیكە تووشی كۆرۆنا بوون كە لەو ژمارەیەش دوو كەسیان پزیشكن و چوار كەسی دیكەیان كارمەندی تەندروستیین و هەروەها 96 كەشی دیكەش لەو پەتایە چاك بووە و پێنج كەسی دیكەش بەهۆی هەمان پەتاوە گیانیان لەدەست دا”. گوتیشی: “لە شاری كەركووك تا ئێستا حەوت هەزار و 671 كەس تووشی كۆرۆنا بوونە كە چوار هەزار و 571 كەسیان چاك بونەتەوە و 344 كەسیان گیانیان لەدەست داوە و ئەوانی تریش لە نەخۆشخانەكانن”.