رێڤه‌به‌رێ گشتى یێ وه‌به‌رهێنانێ ل پارێزگه‌ها دهۆكێ دیاركركو بریار كێمكرنا بهایێن خزمه‌تگوزاریێن یه‌كێن ئاكنجیبوونێ ل پارێزگه‌ها دهۆكێ كه‌ڤته وارێ بجه ئینانێ دا. كوردۆ ئێحسان، رێڤه‌به‌رێ گشتى یێ وه‌به‌رهێنانێ ل پارێزگه‌ها دهۆكێ بۆ (باسنیوز) دیاركركو: “بهایێن خزمه‌تگوزاریێن یه‌كێن ئاكنجیبوونێ ب رێژا 40% هاتنه كێمكرن ل سنۆرى پارێزگه‌ها دهۆكێ بۆ هه‌موو پرۆژه‌یێن وه‌به‌رهێنانێ یێن هاتینه ئاڤاكرن كو هه‌موو دهێنه رێكخستن بتایبه‌تى ژى بهایێن خزمه‌تگوزاریان یێن ژ وه‌لاتیان دهێته وه‌رگرتن دێ دووڤ جۆرى و خزمه‌تێن پرۆژى و رێنمایێن حكومه‌تا هه‌رێما كوردستانێ بیت به‌رێ نۆكه لیژنا هاتێنه پێكئێنان بۆ دوڤچوونا هه‌موو خزمه‌تیێن ناڤ پرۆژى دا بۆ وه‌لاتیان دهێنه پێشكیشكرن ورووبه‌رێ كه‌سكاتیى ده‌مێ وه‌لاتیێ پاره ده‌ن بزانن به‌رامبه‌ر چ وێ پاره‌یێ ده‌ن”. ئاشكه‌را كركو: “یه‌كێن ئاكنجیبوونى یێن وه‌به‌رهێنه‌ران چێكرن رووبه‌رى هه‌موویان وه‌كو ئێك نێنه هه‌ر هنده‌ك هه‌نه رووبه‌رێ وان گه‌له‌ك وهنده‌ك هه‌نه ژى رووبه‌ر وان یێ كێمه له‌ورا ئه‌ڤه ژى بوویه پێڤه‌ر بۆ دانا پارێ خزمه‌تگوزاریان”. كوردۆ ئیحسان گۆتژى: “ڤێ هه‌یڤێ دا ده‌مێ وه‌لاتیێن پاره‌یێن خزمه‌تگوزاریان ده‌ن دێ ل گۆرى بریارێن نوو بیت ئه‌وژى بها یێ هاتیه كێمكرن ب رێژا 40% بۆ خزمه‌تگوزاریان”.
ل دهۆكێ بریارا كێمكرنا بهایێن خزمه‌تگوزاریێن یه‌كێن ئاكنجیبوونێ چوو وارێ بجه ئینانێ دا
