نهێنییەکی مەترسیدار لەبارەی ئەو ژنەی لە بەسرە کوژرا ئاشکرا دەکرێت

کەناڵی سکای نیوز ئاشکرای دەکات، کە ئەو ژنەی لە بەسرە کوژرا، ئێران خستبوویە لیستی ”بەکرێگیراوانی ئەمریکا“. ئێوارەی رۆژی چوارشەممە 19-8-2020، ژمارەیەک چەکداری نەناسراو لەسەر رێگایەکی گشتیی بەسرە تەقەیان لە رەیهام یەعقوب، ژنە چالاکوان و پزیشک کرد و کوشتیان. ماڵپەڕی کەناڵی (سکای نیوز) ئاشکرای کردووە، کە پێشتر ئاژانسی (میهر)ی ئێرانی راپۆرتێکی بڵاو کردبووەوە، کە تێیدا ژمارەیەک چالاکوانی خۆپیشاندانەکانی عێراقی بە ”بەکرێگیراوی ئەمریکا“ هەژمار کرابوون و ناوەکانیان بڵاو کرابووەوە. رەیهام یەعقوب بوو، کە پزیشک بوو، یەکێک بوو لەو سێ ژنە چالاکوان و رێکخەرەی خۆپیشاندانەکانی بەسرە، کە رۆژی چوارشەممە بە گوللەی چەکدارانی نەناسراو کوژران و بەردەوام داوای رێگرتن لە دەستوەردانی ئێران لە کاروباری ناوخۆی وڵاتەکەی، دەکرد. بەهۆی ناکارایی هێزە ئەمنی و سەربازییەکانی عێراق، دەیان گرووپ و میلیشیای تیرۆریستی، تائیفی و توندڕەو لە بەغدا و شارەکانی دیکەی ئەو وڵاتە بڵاو بوونەتەوە. ئەو گرووپ و میلیشیایانە بەردەوام کردەی تیرۆریستی و تاوانکاری بۆ بەرژەوەندیی ئەو لایەنانەی کاریان بۆ دەکەن، ئەنجام دەدەن.