لە ماوەی شەو و رۆژێکدا، زیاتر لە 69 هەزار کەس لە هیندستان تووشی پەتای کۆرۆنا بوون. وەزارەتی تەندروستیی هیندستان رایگەیاندووە، ژمارەی تووشبووانی پەتای کۆرۆنا لە وڵاتەکەیدا گەیشتووەتە دوو ملیۆن و 841 هەزار و 400 کەس. هەروەک وەزارەتی تەندروستیی هیندستان رایگەیاندووە، تەنیا لە ماوەی 24 کاتژمێری رابردوودا، 69 هەزار و 652 کەس لەو وڵاتەدا،تووشی پەتای کۆرۆنا بوون. هیندستان لە رووی ژمارەی تووشبووانی کۆرۆنا لە پلەی سێیەمی جیهانی دایە و کەوتووەتە دوای ئەمریکا و بەرازیل. بەپێی دوایین ئامار، تا ئێستا و 54 هەزار و 17 کەس لە هیندستان، بەهۆی تووشبوونیان بە پەتای کۆرۆنا، گیانیان لەدەست داوە.
هیندستان.. لە رۆژێکدا 69 هەزار کەس تووشی پەتای کۆرۆنا بوون
