پەیڤدارێ رێڤەبەریا هاتنوچوونا پارێزگەها دهۆكێ دیار كر كو ل روودانەكا هاتنوچوونێدا ل قەزا زاخۆ كەسەكێ گیانی خوە ژدەست دا و ترۆمبێلا وێ ژی هاتە سۆتن. موقەدەمێ مافپەروەر ئازاد تەها، پەیڤدارێ رێڤەبەریا هاتنوچوونا پارێزگەها دهۆكێ بۆ (باسنیوز) دیار كر كو: “سپێدەهیا ئەڤرۆ 21/8/2020ێ ل دەمژمێر 2:30 ب شەڤ ل سەر جادا سەرەكیا ناحیا باتیفا ل قەزا زاخۆ ترۆمبێلەكا تایبەت تویوتا كرۆلا ژبن كونترولا شوڤێری دەركەت و د ئەنجامدا ئاگر بەر بوو ترۆمبێلێ، كەسەكێ ڤێ روودانا هاتنوچوونێدا گیانێ خوە ژدەست دا”. ئاشكەرا كر كو: “ترۆمبێل هەموو هاتە سۆتن و كەسەك گیانێ خۆ ژ دەستدا و زیانەكا مەزن ب ترۆمبێلی ژی كەڤت”.
زاخۆ.. ل روودانەكا هاتنوچوونێدا كەسەكێ گیانێ خوە ژدەست دا
