رێڤه‌به‌رێ ساخله‌میا شێخان دیاركركو ئێكه‌م حاله‌تێ گیان ژده‌ستدانێ ژبه‌ر نه‌خۆشیا كۆرۆنایێ ل قه‌زا شێخان هاته تۆماركرن. ئه‌ڤه ئاماژه مه‌ترسیداره پێدڤیه وه‌لاتی زێده‌تر خۆ بپارێزن. د. كه‌ریم كه‌مال، رێڤه‌به‌رێ ساخله‌میا شێخان بۆ (باسنیوز) دیاركركو: “گه‌نجه‌كێ 32 سالى هیچ نه‌خۆشیه‌ك پێشتر نه‌بوویه نۆكه ژبه‌ر نه‌خۆشیا كۆرۆنایێ گیانێ خۆ ژ ده‌ستدا. ئه‌ڤه بیته ئێكه‌مین حاله‌تێ گیان ژده‌ستدانێ ژ به‌ر نه‌خۆشیا كۆرۆنایێ ل قه‌زا شێخان دهێته تۆماركرن. ئه‌ڤه وێ دگه‌هینت كو كۆرۆنا گه‌هشتیه ئاسته‌كێ مه‌ترسیدار پێدڤیه وه‌لاتی پتر هه‌ڤكاربن دگه‌ل دام و ده‌زگه‌هێن ساخله‌میێ بۆ به‌رهه‌نگاریا نه‌خۆشیا كۆرۆنایێ”. ئاشكه‌را كركو: “هه‌ر ژ ده‌ستپێكا كۆرۆنایێ هه‌تا نۆكه پتر ژ 100 تووشبوویێن كۆرۆنایێ یێن هاتینه تۆماركرن. رۆژ دووڤ رۆژێ هژمارا تووشبوویێن كۆرۆنایێ ل شێخان یا به‌ره‌ڤ زێده‌بوونێ دچێت”. د. كه‌ریم گۆتژى: “نۆكه كۆرۆنا ناڤ شێخان دا هه‌یه. ل گۆرى پلانا ساخله‌میا دهۆكێ ئه‌م به‌رده‌وام دووڤچوونا كه‌سێن به‌ركه‌فتیێن تووشبوویان دكه‌ن هیڤیدارن ئه‌و كه‌سێن نیشان ده‌ڤ هه‌ین قه‌ستا دام و ده‌زگه‌هێن ساخله‌میێ بكه‌ن “.
ئێكه‌م حاله‌تێ گیان ژ ده‌ستدانێ ب نه‌خۆشیا كۆرۆنایێ ل شێخان هاته تۆماركرن
