ئایلۆن ماسك بووە چوارەم ملیاردێری جیهان

ئایلۆن ماسك كە خاوەنی كۆمپانیای تیسلایە بۆ ئۆتۆمبیلە كارەباییەكان، گەیشتە ڕیزبەندی چوارەمین ملیاردێری جیهان. ماڵپەڕی بلۆمبێرگی ئەمریكی بڵاوی كردەوە پشكەكانی كۆمپانیای تیسلا بە ڕێژەی 11% لە بازارەكاندا بەرز بووەوە و سامانی ئایلۆن گەیشتە سەرووی 84 ملیار دۆلاری ئەمریكی. پێشتر ریزبەندی چوارەمین میلیاردێری جیهان هی برنار ئارنو بوو كە سەرمایەدارێكی فەرەنسی بوو، بەڵام ئایلۆن توانی ئەو نازناوە بۆ خۆی بەدەست بهێنێ. لە راپۆرتەكەی بلۆمبێرگدا هاتووە كە 2020 ساڵێكی شووم بوو بۆ سەرمایەدارانی جیهان، بەڵام بۆ هەریەك لە ئایلۆن ماسك و جیف بیزوس ساڵێكی پڕ داهات بوو، چونكە سامانی ئایلۆن لەم ساڵەدا 57 ملیار دۆلار و سامانی بیزوسیش 73 ملیار دۆلار زیادی كرد.