گوتەبێژی فەرمانگەی تەندروستیی كەركووك ڕایگەیاند، لە شاری كەركووك 117 كەسی دیكە تووشی كۆرۆنا بوون. سامان یابە، گوتەبێژی فەرمانگەی تەندروستیی كەركووك، بە (باسنیوز)ی ڕاگەیاند: “ڕۆژی شەممە 22/8/2020، لە كەركووك 117 كەسی دیكە تووشی كۆرۆنا بوون كە لەو ژمارەیە 7 كەسیان كارمەندی تەندروستین، هەروەها 142 كەسی دیكەش لەو پەتایە چاك بوونەوە و هاوكات چوار كەسی دیكەش بە هۆی هەمان پەتاوە گیانیان لەدەست دا”. گوتیشی: “لە كەركووك تا ئێستا هەشت هەزار و 218 تووشی كۆرۆنا بوونە و چوار هەزار و 820 كەسیان چاك بوونەتەوە و 359 كەسیان گیانیان لەدەست داوە و ئەوانی دیكەش هێشتا لە نەخۆشخانەكانن”.
لە كەركووك 117 كەسی دیكە تووشی كۆرۆنا بوون
