لە ناحیەی لەیلانی کەرکووک تەرمی هاووڵاتییەک دۆزرایەوە

بەڕێوەبەری ناحیەی لەیلانی سەر بە پارێزگای کەرکووک ئاشکرای کرد، بەرەبەیانی ئەمڕۆ دووشەممە لە سنووری ناحیەکە تەرمی هاووڵاتییەک دۆزراوەتەوە. محەمەد وەیس، بەڕێوەبەری ناحیەی لەیلان، بە (باسنیوز)ی راگەیاند: “پاش ئەوەی تەرمی گەنجێكی كورد بەناوی (ئ. س) دۆزرایەوە، ئەمڕۆ دووشەممە 24/8/2020 لەلایەن هێزە ئەمنییەكانەوە دەست بە ڵێكۆڵینەوە لەو رووداوەکە کراوە، دواتر دەركەوتووە ئەو كەسەی كوژراوە، كوشتنەكەی پەیوەندیی بە كردەوەی تیرۆیستییەوە نییە، بەڵكوو بە هۆكاری كێشەی كۆمەڵایەتی كوژراوە.” گوتیشی: “ئەو كەسەی تەرمەكەی دۆزراوەتەوە پێش چەند ساڵێك دوو كەسی كوشتووە و ئێستاش گومان دەکرێت كەسانی نزیك لە كوژراوەكان تۆڵەی خۆیان كردبێتەوە و ئەو هاووڵاتیەیان کوشتبێت”. بەربەیانی ئەمڕۆ دووشەمە لەرێگەی تۆڕە كۆمەڵایەتییەكانەوە دۆزینەەی تەرمی گەنجێكی كورد لە سنووری ناحیەی لەیلان بڵاو كرایەوە.