ئەمڕۆ هەینی وه‌زاره‌تی ته‌ندروستی و ژینگەی عێراق تۆماركردنی زیاتر لە چوار هەزار تووشبووی پەتای ڤایرۆسی كۆرۆنای لە ماوەی 24 كاتژمێری رابردوودا راگەیاند، لەگەڵ گیان لەدەستدانی 74 كەسی تووشبووی پەتاكە. بە پێی راپۆرتی رۆژانەی وەزارەتەكە، له ماوه‌ی 24 كاتژمێری رابردوودا لە عێراق پشكنینی كۆرۆنا بۆ 22 هه‌زار 634 كه‌س كراوە، لەناو ئەم ژمارەیەدا تووشبوونی چوار هه‌زار و 177 كه‌س بە پەتای كۆرۆنا پشتڕاست كراوەتەوە. هەروەها له راگه‌یا‌ندراوه‌كه‌دا هاتووه كە له ماوه‌ی شه‌و و رۆژێكدا 74 كه‌سی تووشبوو به‌هۆی په‌تاكه‌وە گیانیان له‌ده‌ست داوه. هەروەها لە دوێنێوە سێ هه‌زار و 865 تووشبووی پەتاكە چاك بوونه‌تەوە. تا ئێستا لە عێراق بە هەرێمی كوردستانیشەوە، 223 هه‌زار و 612 كەس وەك تووشبووی پەتای كۆرۆنا تۆمار كراون، له‌م ژماره‌یه‌شدا شەش هه‌زار و 814 تووشبووی پەتاكە گیانیان لەدەست داوە.
زیاتر لە چوار هەزار تووشبووی نوێی كۆرۆنا لە عێراق تۆمار كران
