ل دھۆکێ گریبەست بۆ پەرستاران ھاتنە ئێمزا کرن

ھارێکارێ رێڤەبەرێ گشتی یێ ساخلەمیا پارێزگەھا دھۆکێ دیارکرکو ئەڤرۆ ١/٩/٢٠٢٠ێ ب ھەماھەنگیی دگەل رێکخراوا giz یا ئەلمانیی ٤٠ گریبەست بۆ پەرستاران ل ساخلەمیا دھۆکێ ھاتنە ئێمزا کرن. نزار سالح، ھارێکارێ رێڤەبەرێ گشتی یێ ساخلەمیا پارێزگەھا دھۆکێ بۆ کارۆبارێن کارمەندێن ساخلەمیێ بۆ(باسنیوز) دیارکرک و پشتەڤانیا حکومەتا ھەرێما کوردستانێ ب ھەماھەنگیێ دگەل رێکخراوا giz ئەڤرۆکە ل ساخلەمیا دھۆکێ ٤٠ گریبەست بۆ پەرستاران ھاتنە ئێمزا کرن دێ دەمێ دوو سالە دووڤ وێ گریبەستێ ل ناڤ دام و دەزگەھیێن ساخلەمیێ دھۆکێ دا کار کەن بۆ خزمەتکرنا نەخۆشان ئەڤ گریبەست وەکو ھاندانی یە بۆ کارکرنا پەرستاران ل ناڤ سازیێن ساخلەمیێ دا. ئاشکەرا کرکو ساخلەمیا دھۆکێ پێدڤیە مەزن پەرستاران ھەیە بۆ کارکرنێ ل نەخۆشخانەیان ب تایبەتی ژی پشتی نەخۆشیا کۆرۆنایێ بەربەلاڤ بوویێ مە زۆر پێدڤی پەرستاران ھەیە بۆ پرکرنا پشکەکێ ژ ڤێ پێدڤیاتیا ساخلەمیا دھۆکێ ئەڤ ٤٠ گریبەست ھاتنە ئێمزاکرن دێ ل سەر نەخۆشخانەیێن دھۆکێ ھێنە بەلاڤکرن.