لە ویلایەتە یەکگرتووەکانی ئەمریکا ژمارەی تووشبوانی پەتای کۆرۆنا بەرز بووەوە، تا ئێستاش لەو وڵاتە زیاتر لە 188 ھەزار کەس بەھۆی کۆرۆناوە گیانیان لەدەست داوە. بەپێی دوایین ئامارەکان تا ئێستا (چوارشەممە 2/9/2020)، کۆی گشتیی تووشبوانی پەتای کۆرۆنا لە ئەمریکا گەیشتووەتە شەش ملیۆن و 257 ھەزار و 938 کەس، ئەمەش لەکاتێکدایە بەیانیی دوێنێ سێشەممە ژمارەی تووشبوانی کۆرۆنا لە ئەمریکا، شەش ملیۆن و 211 ھەزار و 796 کەس بوو. تا ئێستا لە ئەمریکا 188 ھەزار و 902 کەس بەھۆی کۆرۆناوە گیانیان لەدەست داوە، کە بەیانیی دوێنێ ژمارەی مردوانی کۆرۆنا لە وڵاتەکە 187 ھەزار و 736 کەس بوو، بەمەش ھەزار و 166 کەس لە 24 کاتژمێری ڕابردوودا گیانیان لەدەست داوە، ھەروەھا سێ ملیۆن و 497 ھەزار و 431 کەسیش چاک بوونەتەوە. پەخشی ڕاستەوخۆی ئاماری تووشبوانی پەتای کۆرۆنا و ئەو کەسانەی بەھۆی ڤایرۆسەکەوە گیانیان لەدەست داوە.
لە ئەمریکا ھەزار و 166 تووشبووی دیکەی کۆرۆنا گیانیان لەدەست دا
