لە ڕووسیا ژمارەی تووشبوانی پەتای کۆرۆنا بەرز بووەوە، تا ئێستاش لە ھەمان وڵات زیاتر لە 17 ھەزار کەس بەھۆی کۆرۆناوە گیانیان لەدەست داوە. بەپێی دوایین ئامارەکان، ئەمڕۆ دووشەممە 7/9/2020، لە ڕووسیا پێنج ھەزار و 185 کەسی دیکە تووشی کۆرۆنا بوون، ژمارەی تووشبوانی پەتاکەش لە وڵاتەکە گەیشتە ملیۆنێک و 30 ھەزار و 690 کەس. ئەمەش لەکاتێکدایە دوێنێ یه‌كشەممە لە ڕووسیا، پێنج ھەزار و 195 کەسی دیکە تووشی کۆرۆنا ببوون. ھەر لە ڕووسیا 51 کەسی دیکە بەھۆی کۆرۆناوە گیانیان لەدەست دا، کۆی گشتیی مردوانیش لە ھەمان وڵات بەھۆی پەتاکەوە گەیشتە 17 ھەزار و 871 کەس، تا ئێستاش لە ڕووسیا 840 ھەزار و 949 کەس لە کۆرۆنا چاک بوونەتەوە. پەخشی ڕاستەوخۆی ئاماری تووشبوانی پەتای کۆرۆنا و ئەو کەسانەی بەھۆی ڤایرۆسەکەوە گیانیان لەدەست داوە.
له ڕووسیا 51 تووشبووى دیكه‌ى كۆرۆنا گیانیان له‌ده‌ست دا
