هێرشی مووشەكی كرایە سەر فڕۆكەخانەی بەغدا

پێش كەمێك بۆ جارێكی تر هێرشی مووشەكی كرایە سەر فڕۆكەخانەی نێودەوڵەتیی بەغدا. شانەی راگەیاندنی ئاسایشی حكوومەتی عێراق بڵاوی كردەوە ئێوارەی ئەمڕۆ پێنجشەممە جارێكی تر هێرشی مووشەكی كاتیۆشا كرایە سەر فڕۆكەخانەی نێودەوڵەتیی بەغدا. مووشەكی كاتیۆشاكە لە فڕۆكەخانەكە كەوتووەتە خوارەوە، بە بێ ئەوەی هیچ زیانێكی لێ بكەوێتەوە، دەریشكەوتووە مووشەكەكە لە ناوچەی حەی فوراتی بەغداوە ئاراستەی فڕۆكەخانەكە كراوە. جێی باسە ماوەی چەند هەفتەیەكە بە شێوەی رۆژانە هێرشی مووشەكی دەكرێتە سەر فڕۆكەخانەی بەغدا و دەستی میلیشیا شیعیەكانی تێدایە.