لە چەمچەماڵ چەکی پارەی گەنم بەسەر جووتیارانی سنوورەکەدا دابەش دەکرێت

ئەمڕۆ چوارشەممە چەكی پارەی گەنم بەو جووتیارانە دەدرێت كە ئەمساڵ لە سنووری قەزای چەمچەماڵ گەنمیان رادەستی سایلۆی قەزاكە كردووە. جەلال عیسا، بەڕێوەبەری بەڕێوەبەرایەتیی كشتوكاڵی قەزای چەمچەماڵ، بە (باسنیوز)ی راگەیاند: ” ئەو جووتیارانەی كە لە ناوەڕاستی مانگی 6ی ئەمساڵ گەنمیان ڕادەستی سایلۆی چەمچەماڵ كردووە لە ئەمڕۆ چوارشەممە 30/9/2020وە چەكی پارەی گەنمە رادەستكراوەكانیان پێ دەدرێت و دواتر پارەكە لە بانكی چەمچەماڵ وەردەگرن.” گوتیشی: “پێویستە جووتیار ناسنامەی باری شارستانیی پێ بێت و خۆشی ئامادە بێت، هەروەها ئەگەر جووتیار مامەڵەی رادەستكردنی گەنمەكەی بەناوی خۆیەوە نەبێت، پێویستە بریكارنامەی ئەمساڵی پێ بێت و نوێ كرابێتەوە.”