دھۆک.. کەسەک بۆ قۆربانی رویدانەکا ھاتن و چوونێ

درەنگە ئێڤارا ئەڤرۆ، ژ ئەنجامێ رۆیدانەکا ھاتن و چوونێ ل دھۆکێ کەسەک بۆ قۆربانی رۆیدانەکا ھاتن و چوونێ و گیانێ خۆ ژدەستدا. موقەدەم ئازاد تەھا، پەیڤدارێ رێڤەبەریا ھاتن و چوونا پارێزگەھا دھۆکێ بۆ(باسنیوز) دیار کر: “درەنگە ئێڤارا ئەڤرۆ رۆژا چارشەمبی، دەمژمێر 6:30 ل سەر جاددا سەرەکی یا سێمێلێ بۆ سێجێ ل سنۆرێ دھۆکێ ژ ئەنجامێ رۆیدانەکا ھاتن و چوونێ کەسەک بۆ قۆربانی”. گۆت ژی: “ئەو رۆیدانە ژ جۆرێ لێکدان د ناڤبەرا دوو ترۆمبیلان ژ جۆرێ پیکەب نیسان و قەلابە بەرھەلگر رۆیدایە و دلگرانی ڤە کەسەک بۆ قۆربانی و گیانێ خۆ ژ دەستدایە و سێ کەسێن دیتر بریندار بوونە و د ھەمان دەم زیانێن زۆر گەھشتینە وان ترۆمبێلان و ھەلبەت ئەڤ رۆیدانێن ھاتن و چوونێ ژ ئەگەرێ نەپێگیریا شۆفێران ب ئێنمایێن ھاتن و چوونێ رۆیددەن”.