گوتەبێژی بەڕێوەبەرایەتیی پۆلیسی كەركووك، ئه‌مڕۆ ئاشكرای كرد، كه تیرۆریستانی داعش لە سنووری پارێزگای كەركووك دوو بیرە نەوتیان تەقاندەوە. رائید عامر نووری، گوتەبێژی بەڕێوەبەرایەتیی پۆلیسی كەركووك، بە (باسنیوز)ی راگەیاند: “بەرەبەیانی ئەمڕۆ چوارشەممە 9/12/2020، تیرۆریستانی داعش لە رێگەی چاندنی بۆمبەوە لە باشووری كەركووك، هەردووبیری ژمارە 33 و 44 ی كیڵگەی نەوتی خەبازەیان تەقاندووەتەوە .” ئه‌وه‌شی ئاشكرا كرد، ئەو كردەوە تیرۆریستییه لەرێگەی چاندنی بۆمبەوە بووە و كوژراو و برینداری لێ نەكەوتووەتەوە، دوای ئه‌نجامدانی ئه‌و كاره تیرۆریستییه، هەڵاتوون و ناوچەكەیان بەجێ هێشتووە.
داعش دوو بیره نه‌وتی كه‌ركووكی ته‌قانده‌وه
