داقووق.. تەقینەوەی بۆمبێک گیانلەدەستدانی سێ سەربازی عێراقی لێکەوتەوە

ئێوارەی ئەمڕۆ لە سنووری قەزای داقووق-ی سەر بە پارێزگای کەرکووک بۆمبێکی چێندراو تەقییەوە و لە ئەنجامدا سێ سەربازی عێراقی گیانیان لەدەست دا. لویس خزر، قایمقامی قەزای داقووق ، بە (باسنیوز)ی راگەیاند: “ئێوارەی ئەمڕۆ هەینی 1/1/2020، لە باشووری قەزای داقووق بۆمبێكی چێندراو بە ئۆتۆمبێلێكی سەربازیدا تەقییەوە”. گوتیشی: “لە ئەنجامی تەقینەوەکەدا سێ سەربازی عێراقی گیانیان لەدەست دا و سەربازێکی دیکەش بە سەختی زامدار بوو”.