جۆ بایدن: رەنگە ترەمپ زانیارییە هەواڵگرییە نهێنییەکان ئاشکرا بکات

سەرۆکی ئەمریکا رایدەگەیەنێت، رەنگە دۆناڵد ترەمپی سەرۆکی پێشوو (2017-2021) زانیارییە هەواڵگرییە نهێنییەکان ئاشکرا بکات. جۆ بایدن، سەرۆکی ئەمریکا، کە لە رۆژی 20-1-2021 دەست بەکار بوو، لە چاوپێکەوتنی کەناڵی تەلەڤزیۆنیی (CBS)ی وڵاتەکەی، رایگەیاندووە، پێویست ناکات چیتر زانیارییە هەواڵگرییەکان بۆ دۆناڵد ترەمپ بنێردرێت. جۆ بایدن بە سەرسوڕمانەوە پرسیویەتی، ناردنی زانیارییە هەواڵگرییەکان بۆ ترەمپ سوودی چییە؟ کاریگەریی ترەمپ لەسەر کاربارەکان چییە جگە لە ئەگەری ئاشکراکردنی ئەو زانیارییە هەواڵگرییە نهێنییانە. لە ئەمریکا، سەرۆکانی پێشوو تا ئەو کاتەی لە ژیاندا دەمێنن، بەردەوام لە زانیارییە هەواڵگرییە نهنییەکان ئاگادار دەکرێنەوە.