سوپای عێراق لە سێ پارێزگا دەست بە ئۆپەراسیۆنێک لە دژی داعش دەکات

سوپای عێراق ئۆپەراسیۆنێک دژی رێکخراوی تیرۆریستی داعش لە سێ پارێزگای وڵاتەکەی، ئەنجام دەدات. شانەی راگەیاندنی ئەمنیی عێراقی لە بەیاننامەیەکدا رایگەیاندووە، ئۆپەراسیۆنەکە بەرەبەیانی ئەمڕۆ چوارشەممە 10-2-2021 لە ناوچەکانی رۆژئاوای بەغدا، دوورگەی کەرمە لە پارێزگای ئەنبار و رۆژهەڵاتی دەریاچەی سەرسار لە پارێزگای سەڵاحەدین، دەستی پێکردووە. ئامانجی ئۆپەراسیۆنەکە، کە فەرماندەیی ئۆپەراسیۆنەکانی بەغدا، سامەڕا و ئەنبار و میلیشیاکانی حەشدی شەعبی دەستی پێکردووە، لەناوبردنی شانە و گرووپە چەکدارییەکانی سەر بە داعشە لەو ناوچانە.