ئێڤاریا ئه‌ڤرۆ یا رۆژا ئه‌ینى ل چیایێ گاره‌یى ل قه‌زا ئامێدیێ، ترۆمبێله‌ك ل كچه‌كێ دده‌ت و و گیانێ خۆ ژ ده‌ستدایه. مقه‌دم ئازاد تاها په‌یڤدارێ هاتن و چوونا پارێزگه‌ها دهۆكێ بۆ (باسنیوز) دیاركر “دره‌نگه ئێڤار یا ئه‌ڤرۆ یا رۆژا ئه‌ینى، ژ به‌ر كۆ هژماره‌كا زۆر یا خه‌لكى قه‌ستا چیایێ گاره‌یى كربو، ژ نشكه‌كێ ڤه ترۆمبێله‌كا ژ جۆرێ نیسان پاس (كۆسته‌ر) خۆ ل زارۆكه‌كا كچ دده‌ت و دلگرانى ڤه ئه‌و زارۆكه بۆ قۆربانى و گیانێ خۆ ژ ده‌ستدایه”. په‌یڤدارێ هاتن و چوونا پارێزگه‌ها دهۆكێ بۆ (باسنیوز) گۆت ژى “ئه‌و زارۆكا كچ دژیێ نێزیكى 8 سالیێ دا بوویه و پشتى ترۆمبێلێ لێدایى ، ژلایێ پۆلیسان ڤه زارۆك بۆ نه‌خۆشخانا كۆمه‌لگه‌ها باگێرا هات ڤه‌گۆهاستن لێ دلگرانى ڤه تا كۆ گه‌هاندیه نه‌خۆشخانێ زارۆكێ گیانێ خۆ ژ ده‌ست دا”. دۆپات ژى كر “ئه‌ڤرۆ رۆژا ئه‌ینى ل سه‌رانسه‌رى پارێزگه‌ها دهۆكێ 3 كه‌س بوونه قۆربانیێن ترۆیدانێن هاتن و چوونێ و گیانێ خۆ ژ ده‌ستدایه و دخازین شۆفێر ڤان رۆژێن سه‌رما و به‌فر و باران پتر پێگیریێ ب رێنمایان بكه‌ن تا كۆ گیان و سامانێ وان و یێ خه‌لكى یێ پاراستى بیت”.
ل چیایێ گاره‌یی كچه‌ك هات كۆشتن
