لە ڕۆژئاوای كەركووك تیرۆریستێك دەستگیر کرا

لە سنووری قەزای حەویجە لە ڕۆژئاوای پارێزگای كەركووك، تیرۆریستێك دەستگیر كراوە كە بەپێی مادەی چواری تیرۆر لە یاسای سزاکانی عێراقی داواكراو بووە. فەتاح مەحموود، بەڕێوەبەری پۆلیسی حەویجە، بە (باسنیوز)ی ڕاگەیاند: “دوێنێ یەكشەممە11ی 4ی2021 لەلایەن هێزەكانی دەزگای هەواڵگرییەوە تیرۆریستێكی داعش لە ناوچەی زابی سنووری قەزای حەویجە بە چەكەوە دەستگیر كراوە”. گوتیشی: “ئەو تیرۆریستە بەپێی مادەی چواری تیرۆر لە یاسای سزاکانی عێراقی و لەلایەن دادوەرەوە داواكراو بووە”. ئەوەشی خستە ڕوو: “ئەو تیرۆریستە لە دروستكردنی بۆمبی جۆراوجۆردا شارەزا بووە”.