كه‌مێك پێش ئێستا له گه‌ڕه‌كێكى شارى سلێمانى گەنجێک گەنجێکی دیکەی کوشت ئەمەش دوای ئەوەی دەمەقاڵە لەنێوانیان دروست بوو. به‌پێى زانیاریه‌كانى (باسنیوز) شەوی شەممە دەمەقاڵە له نێوان دوو گه‌نجى ته‌مه‌ن 19 و 20 ساڵ لە شاری سلێمانی دروست بووە و دوای چەند کاتژمێرێک یەکێکیان بە چەکی جۆری کلاشینکۆف لە دووکانێک تەقەی لە کەسی بەرامبەری کردووە. هەر بەپێی زانیارییەکان دواى ته‌قه‌كردنه‌كه، گه‌نجه‌كه ته‌قه لێكراوه‌كه كه ته‌مه‌نى 19 ساڵه بووە و ناوى (ڕ،ح)بووە به سه‌ختى بریندار بووە و به‌هۆى سه‌ختى برینه‌كه‌یه‌وه له نه‌خۆشخانه گیانی لەدەست داوە هاوكات كه‌سێكى دیكه‌ش كه له دووكانه‌كه كڕیار بووه بریندار بووه.
سلێمانی.. تەقە لە گەنجێک کرا و کوژرا
