داعش هێرش دەکاتە سەر باشووری کەرکووک و قوربانی هەیە

چەکدارانی رێکخراوی تیرۆریستی داعش هێرشیان کردە سەر گوندێکی سنووری داقووق لە باشووری کەرکووک و ژمارەیەک هاووڵاتی بریندار بوون. وەهاب محەمەد، ئەفسەری پۆلیسی شارۆچكەی داقووق، بە (باسنیوز)ی راگەیاند: بەرەبەیانی ئەمڕۆ پێنجشەممە 1-7-2021، چەکدارانی داعش هێرشیان کردووەتە سەر گوندی حەسەن شەلالی لە سنووری داقووق. هێرشەکەی داعش بۆ سەر هێزەکانی پۆلیسی فیدراڵی بووە لە گوندەکە و هاووڵاتییانیش هاوشانی هێزەکانی پۆلیس، رووبەڕووی چەکدارانی داعش بوونەتەوە. بەپێی زانیارییەکان، نزیکەی 10 چەکداری داعش بەشداربوون لە هێرشەکە، کە بەهۆی هێرشەکەوە دوو هاووڵاتیی گوندەکە بریندار بوون.