ل سه‌نته‌رێ دهۆكێ ئاگر به‌ربوویه ئۆتێله‌كێ و هه‌ر زوى ژلایێ تیمێن ئاگر ڤه‌مراندنێ ڤه هات كۆنترۆلكرن. مقه‌دم بێوار عه‌بدولعه‌زیز، په‌یڤدارێ به‌ره‌ڤانیا باژێرى ل دهۆكێ بۆ (باسنیوز) دیاركر: ” به‌رى ده‌مه‌كێ كۆرت ل ده‌ورۆبه‌رێن ده‌مژمێر 9:00 شه‌ڤ ل سه‌ر جاددا تاخێ كه‌ى ئار ئو، ئاگر به‌ربوویه به‌شه‌ك ژ ئۆتێله‌كێ و هه‌ر بله‌ز تیمێن مه ل جهێ رۆیدانێ به‌رهه‌ڤ بوونه و شیانه ئاگرى كۆنترۆل بكه‌ن”. گۆتژى: “تا نۆكه ئه‌گه‌رێ رۆیدانێ نه‌هاتنه زانین، لێ زیانێن گیانى نه‌بوونه و هه‌لبه‌ت زیانێن ماددى په‌یدابوونه و دیڤچون به‌رده‌وامه بۆ زانینا ئه‌گه‌رێ رۆیدانێ و بزانین چه‌ند زیان گه‌هشتنه ئۆتێلا ناڤبرى”. گۆتژى: “تیمێن مه بله‌ز گه‌هشتنه جهێ رۆیدانێ ، له‌ورا ئه‌و ئاگره گه‌له‌ك به‌فره‌ه نه‌بوویه زوى هاتیه كۆنترۆل كرن”.
ل دهۆكێ ئاگر به‌ربوو ئۆتێله‌كێ
