قەڵادزێ.. ئۆتۆمبێلێکی گرانبەهای سلێمان هەڵشۆیی بەشێوەی زیادکردنی ئاشکرا دەفرۆشرێ

وابڕیارە ئەمڕۆ پێنجشەممە لە شاری قەڵادزێ ئۆتۆمبێلێکی گرانبەهای سلێمان هەڵشۆیی بەشێوەی زیادکردنی ئاشکرا بفرۆشرێ. شۆڕش ئیسماعیل، گوتەبێژی پۆلیسی راپەرین بە(باسنیوز)ی راگەیاند: “پۆلیسی نەهێشتنی تاوان بەنیازە ئەمڕۆ پێنجشەممە کاتژمێر ١٢ی نیوەڕۆ ئۆتۆمبێلێکی تۆمەتباری راگیراو سلێمان هەڵشۆیی بەبڕیاری دادگای لێکۆڵینەوە پشدەر بەشێوەی زیادکردنی ئاشکرا بفرۆشێ”. گوتیشی: “ئۆتۆمبێلەکە جۆری لێکزس – کۆڕۆ، ژمارە کاتی ، مۆدێل ٢٠٢١ ڕەنگی ڕەشەو داوا لە هاووڵاتیان دەکەین هەر کەسێک ئارەزوومەندە بۆ کڕینی ئەو ئۆتۆمبێلە با لە کات و شوێنی دیاریکراو کە بینای نووسینگەی پۆلیسی نەهێشتنی تاوانی پشدەرە ئامادە بێ”. ئاماژەی بە ئەوەش دا کە لەژێر سەرپەرشتی دادگا پارەی ئۆتۆمبێلەکە دەگەڕێندرێتەوە بۆ خەزێنە دەوڵەت.