هونەرمەند سەلام کۆیی کۆچی دوایی کرد

هونەرمەندێکی نواندن، سەلام کۆیی، لە شاری هەولێر کۆچی دوایی کرد. بەپێی زانیارییەکان، سەرلەبەیانیی ئەمڕۆ سێشەممە 17-8-2021، هونەرمەند سەلام کۆیی، کۆچی دوایی کرد. هونەرمەند سەلام کۆیی شەوی دووشەممە 16-8-2021 جەڵتەی دەماغ لێیدابوو و بەهۆیەوە خربووە ژێر چاودێریی چڕی پزیشکی. سەلام کۆیی لە ساڵی 1955 لەدایک ببوو، بەشداریی چەندین کاری هونەری کردووە، کە دیارترینیان درامای (تاپۆ حەقی چییە) بووە، کە لەو درامایەدا رۆڵی کەسێکی فێڵباز و قۆڵبڕ و چاوچنۆکی بینی.