یەکەم کاروانی عومرەکارانی بیانی گەیشتە سعوودیە

یەکەم کاروانی عومرەکارانی دەرەوە، دوای جەژنی قوربان، گەیشتە شانشینی عەرەبستانی سعوودیە. میدیاکانی سعوودیە بڵاویان کردووەتەوە، کە ئەمڕۆ شەممە 21-8-2021 یەکەم کاروانی عومرەکارانی دەرەوەی سعوودیە گەیشتووەتە شاری مەدینە. عومرەکارەکان لە فڕۆکەخانەی شازادە محەمەد بن عەبدولعەزیز لە مەدینە دابەزیون و دەستیان بە جێبەجێکردنی ئەرکەکانی عومرە، کردووە. هەروەک ئەو میدیایانە باسی دەکەن، جێبەجێکردنی عومرە بە تەواوی و بەپێی رێنوێنییە پزیشییەکانی تایبەت بە پەتای کۆرۆنا، بەڕێوە دەچێت.