کەرکووک.. هێرشێکی چەکداری دەکرێتە سەر بنکەیەکی پۆلیسی فیدراڵی

لە شارەدێیەکی سنووری پارێزگای کەرکووک، هێرشێکی چەکداری دەکرێتە سەر بنکەیەکی پۆلیسی فیدڕالی. بەپێی هەواڵی میدیا عێراقییەکان، شەوی شەممە 4-9-2021، ژمارەیەک چەکدار، کە تا ئێستا دیار نییە سەر بە چ گرووپێکن، هێرشیان کردووەتە سەر پۆلیسی فیدڕالی لە شارەدێی رەشاد. زانیارییە میدیاییەکان ئاماژە بە کوژرانی پێنج پۆلیسی هێزەکانی پۆلیسی فیدڕالی دەکەن، بەڵام تا ئێستا بە فەرمی پشتڕاست نەکراوەتەوە.