تا ئێستا ناسنامەی گرووپە چەکدارییەکەی بکوژی دوو هاووڵاتییەکەی کفری دیار نییە

چەکدارانی نەناسراو لە نزیک شارۆچکەی کفری بازگەیەکیان دانا و دوو هاووڵاتیی کوردیان کوشت. درەنگانی شەوی سێشەممە 21-9-2021، گرووپێکی چەکدار چوونەتە سەر رێگای گشتیی نێوان کفری و شارەدێی سەرقەڵا و لە نزیک گوندی ساڵحییە بازگەیەکیان دانا و داوای ناسنامەیان لە خەڵکی کردووە. چەکدارەکان خەڵکیان لەسەر رێگاکە راگرتووە و دواتر دەستڕێژی گوللەیان لێکردوون و بەهۆیەوەش دوو هاووڵاتی بە ناوەکانی  جێگر خەلیفە و یوسف ئیحسان کوژران و هاووڵاتییەکیش بە ناوی ئیحسان کەمال قەساب بریندار بوو. تا ئێستا هیچ لایەنێکی بەرپرسی ناوچەکە هیچ زانیارییەکی لەبارەی گرووپە چەکدارییەکەوە ئاشکرا نەکردووە، بەڵام بەشێک لە خەڵکەکە پێیان وایە چەکداری رێکخراوی تیرۆریستی داعش بوون. وێنەی هاووڵاتییە کوژراوەکان