رێڤه‌به‌رێ ئوفیسا دهۆك یا كۆمیسۆنا بالا یا سه‌ربه‌خۆیا هه‌لبژارتنان ل عێراقى دیاركر رێژا ده‌نگدانا تایبه‌ت ل پارێزگه‌ها دهۆكێ گه‌هشته 88% ورێژا ده‌نگدانا ئاواران دناڤ كه‌مپان دا 61% بوویه ورێژا ده‌نگدانا ئاواران ژ ده‌رڤه‌ى كه‌مپان 30% بوویه هه‌تا ده‌مژمێر 5:20 ئێڤارى. خالد عه‌باس رێڤه‌به‌رێ ئوفیسا دهۆك یا كۆمیسۆنا بالا یا سه‌ربه‌خۆیا هه‌لبژارتنان ل عێراقى بۆ (باسنیوز) راگه‌هاندكو “پرۆسیه‌یا ده‌نگدانێ ل ناڤ كه‌مپێن ئاواران پارێزگه‌ها دهۆكێ ب دووماهیى هات هه‌تا ده‌مژمێر 5:20 ئێڤارى ل دهۆكێ ب رێژا 61% ئاواران ل كه‌مپان ده‌نگێ خۆ داینه رێژا ده‌نگدانا تایبه‌ت ژى هه‌تا ده‌مژمێر 5:20 ده‌قیقه ئێڤاریا ئه‌ڤرۆ گه‌هشته 88% هه‌روه‌سا ژى رێژا ده‌نگدانا ئاواران ژده‌ڤه‌رى كه‌مپان ژى گه‌هشته 30% هه‌تا ده‌مژمێر 5:20 ئێڤارى”. ئاشكه‌را كركو:” ژ ده‌مژمێر 5:20 ئێڤارى هه‌تا بوویه ده‌مژمێر شه‌ش ئێڤارى پرۆسیه‌یا ده‌نگدانا تایبه‌ت وئاواران یا به‌رده‌وام بوویه له‌ورا ژى رێژا به‌ره‌ڤ زێده‌بوونێ چوویه”. رێڤه‌به‌رێ ئوفیسا دهۆك یا كۆمیسۆنا بالا یا سه‌ربه‌خۆیا هه‌لبژارتنان ل عێراقى راگه‌هاندكو:” پرۆسیه‌یا ده‌نگدانێ گه‌له‌ك ب باشیى یا هێته ئه‌نجامدان، كێشه‌یێن گێرۆبوونا بازنه‌یێ هه‌بوون هاتنه چاره‌سه‌ركرن لێ مه گازنده‌ك ژ ئاواران هه‌یه ئه‌وژى ل دانێ سپێدى زوو نه‌چوونه ده‌نگدانێ هه‌تا ده‌مژمێر دوو یێ نێڤرۆ ئاواره گه‌له‌كان ده‌نگێ خۆ نه‌دایه”. خالد عه‌باس، ئه‌وژى گۆت:” پشتى ده‌مژمێر دوو نێڤرۆ ئاواران شیوه‌یه‌كێ مه‌زن چوونه ده‌نگدانێ وفشاره‌كا مه‌زن ل سه‌ر بنگه‌هان دروستكرن”.
(باسنیوز) رێژا ده‌نگدانێ ل دهۆكێ به‌لاڤ دكه‌ت
