هاوسه‌رۆكی پارتی دیموکراتی گەلان (هه‌ده‌په) لە دژی دەسەڵاتی تورکیا، داوایەک لە لایه‌نه كوردستانییه‌كانی باکووری کوردستان ده‌كات. میتحەت سانجار، هاوسه‌رۆكی هه‌ده‌په، له كۆبوونه‌وه‌ی فراكسیۆنی حزبەکەی لە پەرلەمانی تورکیا، رایگەیاندووە: ده‌سه‌ڵاتی تورکیا ”له‌سه‌ر بنه‌مای دوژمنایه‌تیی كورد سیاسه‌ت ده‌كات“. میتحەت سانجار پێی وایە باشترین هەڵوێست بریتییە لە ”به‌ره‌نگاربوونەوەی ئه‌و سیاسه‌ته“ و داوای لە سەرجەم لایەنە سیاسییەکانی باکووری کوردستان کردووە ”یەکگرتوو بن و دژی شەڕ بووەستنەوە“. هاوسه‌رۆكی هه‌ده‌په ره‌خنه‌شی له ده‌سه‌ڵاتی تورکیا گرتووە و تۆمەتباری کردووە بەوەی ”گه‌نده‌ڵكاران دادگایی ناكات، به‌ڵام سیاسه‌تمه‌دارانی كورد به هۆی خه‌باتی دیموكراتیی و ئاشتییانەیان، زیندانی ده‌كات”.
هەدەپە لە دژی دەسەڵاتی تورکیا داوایەک لە لایەنە کوردستانییەکان دەکات
