حاجی ئۆمەران.. تۆمەتبارێک بە کیلۆیەک ماددەی هۆشبەرەوە دەستگیر کرا

هێزەکانی بەڕێوەبەرایەتیی ئاساییشی دەروازەی حاجی ئۆمەران کەسێک دەستگیر دەکەن کە بڕی (٩٤٠) گرام ماددەی هۆشبەر لە جۆری تلیاکی پێبووە. کۆمەڵگای دەروازەی نێودەوڵەتیی حاجی ئۆمەران لە راگەیەندراوێکدا ئاماژەی بە ئەوە داوە کە هێزەکانی ئاساییشی دەروازەی حاجی ئۆمەران کەسێکیان دەستگیر کردووە کە هاووڵاتی هەرێمی کوردستانە و بڕێک ماددەی هۆشبەری پێبووە. لە راگەیەندراوەکەدا ئەوەش خراوەتە ڕوو کە ئەو کەسە بڕی (٩٤٠) گرام ماددەی هۆشبەر لە جۆری تلیاکی پێبووە و لە دوای لێکۆڵینەوەی سەرەتایی پەڕاوی تۆمەتبارەکە ڕەوانەی دادگا کراوە بۆ گرتەبەری ڕێوشوێنی یاسایی.