کاتی دەوامی پاسپۆرتی هەولێر گۆڕانکاری بەسەردا هات

پەیوەندییەکانی بەرێوەبەرایەتی پاسپۆرتی پارێزگای هەولێر هاووڵاتییان لەبارەی گۆڕانکاری کاتی دەوامی بەڕێوەبەرایەتییەکە ئاگادار دەکاتەوە. ئەڕۆ پێنجشەممە 25/11/2021، پاسپۆرتی هەولێر لە هەژماری فەرمی خۆی لە تۆڕی کۆمەڵایەتیی (فەیسبووک) بڵاویکردووەتەوە: “ئاگاداری هاووڵاتییان ده‌که‌ینه‌وه‌ که‌وا سەرجەم مامەڵەکانی دەرهێنان و نوێکردنەوەو وەرگرتنەوەی پاسپۆرت لە سەرجەم نووسینگەکانی پاسپۆرت (نووسینگەی یەک، نووسینگەی دوو، نووسینگەی سۆران و نووسینگەی کۆیە)ی پاسپۆرتی پارێزگای هەولێر لە رۆژی یەکشەممە 28/11/2021، تاوەکوو ڕۆژی پێنجشەممە 02/12/2021، کاتی دەوامی فەرمی لە کات ژمێر 2ی دوای نیوەرۆ تاکو 6ی ئێوارەیە”. هەروەها پاسپۆرتی هەولێر لە ئاگادارییەکەیدا داواش لە هاووڵاتییان دەکات کە لەکاتی دیاریکراو سەردانی نووسینگەکانی پاسپۆرت بکەن بە مەبەستی راییکردنی مامەڵەکانیان.