كارمەندێكی کارەبا لەکاتی کارکردن لە پێوەری زیرەک بەتەزووی كارەبا گیانی لەدەست دا

وەزارەتی کارەبای حکوومەتی هەرێمی کوردستان ئاشکرایکرد کە كارمەندێكی كۆمپانیای پێوەری زیرەك لەکاتی بەستانی پێوەری زیرەک بەتەزووی كارەباوە گیانی لەدەستدا. ئەمڕۆ دووشەممە 19/12/2021، وەزارەتی کارەبا هەژماری فەرمی خۆی لە تۆپڕی کۆمەڵایەتیی (فەیسبووک) بڵاویکردووەتەوە: “بەداخەوە ئەمڕۆ كارمەندێكی كۆمپانیای پێوەری زیرەك بەناوی ئیحسان محێدین خوسرەوی، كە خەڵكی رۆژهەڵاتی كوردستانە لەكاتی كاركردنی لەگەڕەكی چوارچرا لە حاجیاوا بەهۆی بەركەوتنی بەتەزووی كارەباوە گیانی لەدەست دا”. هەروەها ئەوەش خراوەتە روو: “بەمەبەستی لێكۆڵینەوە لەهۆكاری چۆنیەتی كەوتنەوەی رووداوەك لەبەڕێوەبەرایەتی گشتی كارەبای سلێمانی لێژنەی سەلامەتی پیشەیی راسپێردراوە و دەستی بە لێكۆڵینەوە سەرەتاییەكان كردووە”.