ب ڤیدیو.. رێڤەبەر و ئەندازیارێن بنێ بەنداڤا دھۆکێ ئاسێ ماین ھاتنە دەرئێخستن

پشتی کۆ رێڤەبەر و پێنج ئەندازیارێن ئاڤێ قەستا بنێ بەنداڤا دھۆکی کری بۆ پشکنینا ئاڤا بەنداڤێ، توشی رۆیدانەکا نەچاڤەرێکری دبن و بۆ زێدەتر ئێک دەمژمێر ئاسێ د مینن و پاشی دھێنە قۆرتالکرن. فەرھاد محەمەد تاھر رێڤەبەرێ بەنداڤا دھۆکێ بەری دەمەکێ کورت بۆ دەزگەھێن راگەھاندنێ دیارکر: “دەمژمێر 1ی نیڤرۆیا ئەڤرۆ یا رۆژا چارشەمبی، ئەز و پێنج ئەندازیار قەستا بنێ بەنداڤا دھۆکێ دکەین بۆ پشکنینا ئاڤا بەنداڤێ، لێ ئەو ئەسانسورا ئەم پێ دەربازی بنێ ئاڤێ بووین ژ کار کەفت و زێدەتر ژ ئێک دەمژمێر بنێ بەنداڤێ ئاسێ ماین”. رێڤەبەرێ بەنداڤا دھۆکێ گۆتژی: “ئەو ئەسانسورە ب ھێزا دەستان ژ لایێ تیم و ھەوارھاتنێ ڤە ھاتە سەرئێخسپن، گیانێ مە ھەمیان سلامەتە نھا دا پشکنین بۆ وان ئەندازیاران دھێتە کرن بۆ پشتراستبونا ساخلەمیا وان”.