ئێوارەی ئەمڕۆ هەینی لە شاری میونشنی ئەڵمانیا، مەسرور بارزانی سەرۆکی حكوومەتی هەرێمی کوردستان لەگەڵ خلوسی ئاکار وەزیری بەرگریی تورکیا کۆبووەوە. لە کۆبووەنەوەکەدا گفتوگۆ لەبارەی بارودۆخی عێراق و پەیوەندییەکانی هەرێمی کوردستان و تورکیا کرا. هەردوولا جەختیان لە گرنگیی هەماهەنگیی نێوانیان لەپێناو سەقامگیری ئاشتی و ئاسایش لە ناوچەکە کرده‌وە. پێشتریش، سه‌رۆكی حكوومه‌تی هه‌رێمی كوردستان له‌گه‌ڵ هه‌ریه‌ك له ئه‌نتۆنیۆ گۆتێرێس سكرتێری گشتیی نه‌ته‌وه یه‌كگرتووه‌كان، لۆرێنزۆ گویرینی وەزیری بەرگریی ئیتاڵیا کۆبووبووه‌وە. ئه‌مڕۆ كۆنفرانسی میونشن ده‌ستی پێكرد و بڕیاره مه‌سرور بارزانی سه‌رۆكی حكوومه‌تی هه‌رێمی كوردستان له‌گه‌ڵ ژماره‌یه‌ك به‌رپرسی باڵای ئه‌ورووپا و جیهان كۆبێته‌وه.
سەرۆکی حکوومەتی هەرێمی کوردستان لەگەڵ وەزیری بەرگریی تورکیا کۆبووەوە
