مازن محه‌مه‌د سه‌عید، قایمقامێ قه‌زا ئاكرێ دیاركر: “ئه‌ڤرۆ 12/3/2022ێ سالڤه‌گه‌را سه‌رهلدانا باژێرێ ئاكرێ و قه‌زا به‌رده‌رشە، پشتى سه‌رهلدانێ هه‌تا نوكه ئاكرێ گه‌له‌ك پشكه‌ڤتن بخۆڤه دیتیته”. مازن محه‌مه‌د سه‌عید، قایمقامێ قه‌زا ئاكرێ، بۆ (باسنیوز) راگه‌هاندكو: “ئه‌ڤرۆ ل ئاكرێ چه‌ندین چالاكی دهێنه ئه‌نجامدان ب هه‌لكه‌فتا سالڤەگەرا سه‌رهلدانا قه‌زا ئاكرێ. سالا 1991ێ قه‌زا ئاكرێ ژبن ده‌ستێن رێژیما دكتاتور یا عێراقێ هاته رزگاركرن وخه‌لكێ ئاكرێ راپه‌رین ئه‌نجامدان و ئاخا كوردستانێ هاته رزگاركرن ژ داگیركه‌ران. ئه‌ڤ ئازادیا نوكه ل هه‌رێما كوردستانێ هه‌ى، به‌رهه‌مێ خوینا شه‌هیدان و سه‌رهلدانێ یه، ب ڤێ هه‌لكه‌فتێ پیرۆزباھیا هه‌موو خه‌لكێ ئاكرێ دكه‌ین ئه‌ڤرۆ دێ ناڤ ئاكرێ دا كۆمه‌كا چالاكیێن هه‌مه‌جۆر هێنه ئه‌نجامدان ب هه‌لكه‌فتا بیرەوه‌ریا سه‌رهلدانا باژێرێ ئاكرێ”. ئاشكه‌را كركو: “پشتى سه‌رهلدانێ هه‌تا نوكه ب سه‌دان پرۆژه‌یێن خزمه‌تگوزاری ل ئاكرێ یێن هاتینه ئه‌نجامدان و سنوورێ قه‌زا ئاكرێ گه‌له‌ك به‌رفره‌هـ بوویه و بووینه خودان دوو كولێژ و په‌یمانگه‌هـ و چه‌ندین قوتابخانا ل ئاكرێ یێن هاتینه ئاڤاكرن، د وارێ ته‌ندروستیدا ژى ئاكرێ بوویه خودان نه‌خۆشخانە و چه‌ندین خزمه‌تێن ساخله‌میێ ل ئاكرێ بۆ وه‌لاتیان هێنه پێشكێشكرن، د هه‌موو واره‌كێدا ئاكرێ پشكه‌ڤتن بخۆڤه دیتیه”.
چه‌ندین چالاكی ب هه‌لكه‌فتا سالڤەگەرا سه‌رهلدانا ئاكرێ دهێنه ئه‌نجامدان
