ئومێد خۆشناو نرخی کارەبای یەکەکانی نیشتەجێبوونی دیاری کرد

ئەمڕۆ، پێنجشەممە 7/4/2022، پارێزگای هەولێر لە پەیجی تایبەتی خۆی لە تۆڕی کۆمەڵایەتیی فەیسبووک نرخی کارەبای یەکەکانی نیشتەجێبوونی ڕاگەیاند. لە ڕاگەیاندراوەکەدا هاتووە: ”لەسەر فەرمانى بەڕێز پارێزگارى هەولێر، لیژنەى دیاریکردنى نرخى خزمەتگوزاریی پڕۆژەکانى نیستەجێبوونى هەولێر بڕیاری دا نابێت نرخى (یەک کیلۆوات. کاتژمێر) کارەبا لە پڕۆژەکانى نیشتەجێبوون لە (365) دینار زیاتر بێت. ئاماژە بەوەش دراوە کە هەر خاوەن مۆلیدەیەک و لایەنێک لە پڕۆژەکانى نیشتەجێبوونى هەولێر سەرپێچى لەو نرخە بکات و بە گرانتر کارەبا بدات بە هاووڵاتییان، ڕووبەڕووى ڕێکارى یاسایی و سزاى پێبژاردن دەبێتەوە.