پەرلەمانتارانی بەسرە هەڕەشەی راگەیاندنی هەرێمی بەسرە دەکەن

نوێنەرانی پارێزگای بەسرە لە پەرلەمانی عێراق هەڕەشەی راگەیاندنی هەرێمی بەسرە دەکەن. عودەی عەواد، پەرلەمانتاری عێراق، بە ئاماژەکردن بەوەی داخستنی دەروازەی سنووریی شەلامچە دەبێتە هۆی بەرزبوونەوەی نرخی کەلوپەل لە بەسرە، رایگەیاندووە: ”داواکارییەکانمان بریتین لە گەیشتنی خۆراک بە پارێزگای بەسرە“. عودەی عەوا هەروەها رایگەیاندووە: ئەگەر حکوومەتی عێراق جارێکی دیکە بڕیاری داخستنی دەروازەی شەلامچە بدات، ئەوا هەرێمی بەسرە رادەگەیەنن. ئەو پەرلەمانتارەی عێراق پێیوایە خۆپیشاندانەکانی بەسرە نیشانەی گرنگینەدانی حکوومەتە بە ژیان هاووڵاتیانی بەسرە و پەیامێکی خەڵکە بۆحکوومەت. هەروەها زەهرە بەجاری، نوێنەرێکی دیکەی بەسرە لە پەرلەمانی عێراق رایگەیاندووە: بەسرە 90%ـی بودجەی عیراق دابین دەکات و رووبەڕووی هەژاری و چەندین کێشەی سەختی ئابووریش بووەتەوە.