ژمارەی کوژراو و بریندارانی حەشد لە قەرەتەپە بەرز دەبێتەوە

ژمارەی کوژراو و بریندارانی میلیشیاکانی حەشدی شەعبی لە قەرەتەپە بەرز دەبێتەوە کە بە دەستی چەکدارانی رێکخراوی تیرۆریستی داعش بوونە قوربانی. شەوی. سێشەممە 19-4-2022، چەکدارانی داعش هێرشیان کردە سەر بازگەیەکی حەشدی شەعبی لە گوندی کەشکۆڵ لە باکووری شارەدێی قەرەتەپە لە پارێزگای دیالە. دوای هێرشەکە، چەکدارانی داعش بۆمبیان لەسەر رێگای ئەو هێزەی حەشدی شەعبی تەقاندەوە کە بە فریای چەکدارەکانی دیکەی ئەو میلیشیایانە لە بازگەکەدا چوون. لە ئەنجامی هێرش و تەقاندنەوەی بۆمبەکە و بەپێی دوایین ئامار، سێ چەکداری حەشدی شەعبی کوژران و نۆی دیکەش بریندار بوون کە برینی بەشێکیان سەختە.