ژئه‌گه‌رێ روودانا شه‌رێ دناڤبه‌را هێزین سه‌ر په‌كه‌كێ ڤه ل شنگال و سوپایێ عێراقى دا خه‌لكێ زڤرینه شنگال دووباره ئاواریێ پارێزگه‌ها دهۆكێ دبن. د ڤێ بوارى دا، پیر ده‌یان، رێڤه‌به‌رێ كارۆبارێن مرۆڤایه‌تى وبه‌رسڤدانا قه‌یرانا ل پارێزگه‌ها دهۆكێ بۆ (باسنیوز) دیاركر: “ئه‌ڤرۆ 2/5/2022ێ ژئه‌گه‌رێ روودانا شه‌رێ خه‌لك شنگال دووباره ئاواره‌بوون ه‌ستا سنورێ پارێزگه‌ها دهۆكێ كرن ل سحیلا ژلایێ ده‌زگاى خێرخوازى بارزانى ڤه پێشوازیا ئاوارین شنگال هاته كرن ئه‌ڤرۆ هه‌ر ژ سپێدى هه‌تا بوویه ئێڤار 648 خێزان دووباره ژ شنگال ئاواره بوون هه‌ر تشته‌كێ پێدڤى بیت بۆ پیشوازى و خزمه‌تكرنا ئاواران هاتیه ئه‌نجامدان”. ئاماژه دا وى چه‌ندى ژى كو: “چاڤه‌ریا سوبه‌هێ 3/5/2022ێ ل سه‌ر ئاستێ پارێزگه‌ها دهۆكێ كومبوونه‌كا به‌رفره‌ه بۆ خزمه‌تكرنا ئاواران بهێته ئه‌نجامدان ئه‌ڤ خه‌لكێ دووباره ئاواره‌بن دێ ناڤ كه‌مپان هێنه ئاكنجیكرن وه‌كو دیتر ژى هه‌ر ئاواره یێ ئازاده ل كێده‌ر ئاكنجیى بیت”.
648 خێزان ژ شنگال ئاواره‌بوون ژبه‌ر شه‌رێ په‌كه‌كێ و سوپایێ عێراقى
