مەسرور بارزانی سەرەخۆشی لە وەزیری کارو کاروباری کۆمەڵایەتی دەکات

ئەمڕۆ شەممە 7ی ئایاری 2022، مەسرور بارزانی، سەرۆکی حکوومەتی هەرێمی کوردستان، لە پەیوەندییەکی تەلەفۆنیدا، سەرەخۆشی لە کوێستان محەمەد وەزیری کارو کاروباری کۆمەڵایەتی کرد بۆ کۆچی دوایی خوالێخۆشبوو بەکر سەعید-ی هاوژینی. سەرۆکی حکوومەت، پرسە و هاوخەمیی خۆی پێگەیاند و هیوای خواست، خوای مەزن گیانی خوالێخۆشبوو بە بەهەشت شاد بکات و سەبر و ئارامییش بە بنەماڵەکەیان ببەخشێت. لای خۆیەوە وەزیری کارو کاروباری کۆمەڵایەتی، سوپاس و پێزانینی خۆی و بنەماڵەکەی بۆ پەیوەندیی و سەرەخۆشیکردنی سەرۆکی حکوومەتی هەرێمی کوردستان دەربڕی.