ئەمشەو لە سنووری قەزای بەردەڕەش، رووداوێکی سەختی هاتوچۆ رووی دا و لە ئەنجامدا دوو کەس کە هاوسەری یەکترن گیانیان لەدەست دا. پەیامنێری (باسنیوز) لە دەڤەرەکە،ڕایگەیاند، کاتژمێر(١١:٠٠)ی ئەمشەو پێنجشەممە لەسەر رێگای گشتیی نێوان ناحیەی رووڤیا و قەزای بەردەڕەش لە نزیک گوندی قەرەناس رووداوێکی هاتوچۆ رووی دا. ئاماژەی بە ئەوەش دا کە لە ئەنجامی رووداوەکە دوو کەس کە هاوسەری یەکترن گیانیان لەدەست داوە و دوو کەسی دیکەش زامدار بوونە.
بەردەڕەش.. لە ڕووداوێکی هاتوچۆدا دوو هاوسەر گیانیان لەدەست دا
